A Nosa Voz

Celebración de URCA 2011

Será o 5 de novembro no Colexio Miralba, das Fillas de Xesús (Avda. Gran Vía, 164, Vigo), co seguinte programa:

10:00.-Acollida

11:00.-OBRADOIROS:

• Composición Musical

• Contacontos

• Ioga e Oración

13:00.-Descanso

13:15.-SEMINARIOS

• Produción Musical, …quero facer un disco

• Acollemento familiar de menores

14:30.-Xantar

16:00.-URCAFE

• Con actuacións, entrevistas e compartindo experiencias

18:00.-ACTUACIÓNS:

• David, monólogo

• Coro de Loreto

19:15.-ESPAZO DE ENCONTRO E ORACIÓN

20:30.- Cea

22.00.-CONCERTO:

• Efectos secundarios

• Luis Guitarra e Carmen Sara, presentarán un novo xeito de concerto e de contar historias “Cuentos y canciones”

O prezo da inscrición e de 25€ (inclúe comida e cea do día 5 de novembro, participación nas actividades e sufragar os gastos de desprazamentos dos que levan acabo as distintas actividades)

Hai opción de quedarse a durmir na noite do 5 ao 6 de novembro. O custo é de 20 € almorzo incluído.

Correo electrónico para inscribirse: urca.expresion@gmail.com

CONCAPA celebra en Lugo as Xornadas de Familia

CONCAPA (Confederación Católica Nacional de Pais de Familia e pais de Alumnos) celebra o 5 e 6 de novembro as súas Xornadas de Familia, un evento que terá lugar en Lugo baixo o título Educar no consumo.

A inauguración terá lugar o día 5 de novembro no Gran Hotel Lugo, ás 9,00 horas e, posteriormente, impartiranse os relatorios sobre “A educación para o consumo. Situación actual e perspectivas de futuro”, a cargo de Dª María Nava Castro, presidenta do Instituto Galego de Consumo; e “A coordinación familia-escola para educar no consumo”, por D. Celso Currás, ex conselleiro de Educación da Xunta de Galicia.

Ademais, haberá un panel sobre Escola de Familias e unha Mesa Redonda sobre “Educación e Consumo responsable”, na que intervirán diversos expertos.

Vixilia Xeral de Defuntos da Adoración Nocturna

Na noite do 1 ao 2 do mes de novembro terá lugar a tradicional e regulamentaria Vixilia Xeral de Defuntos, que a Adoración Nocturna ofrece anualmente polo eterno descanso dos adoradores que pertenceron á Sección de Lugo, especialmente os falecidos no último ano, e pola alma dos familiares dos asistentes a este acto. Dará comezo na Catedral ás nove da noite.

Visita pastoral á parroquia de San Antonio de Padua de Lugo

A visita comeza o día 23 ás 11:45 coa recepción do señor Bispo e ás 12 h, Misa Estacional.

O día 24 ás 18 horas hai unha celebración da Eucaristía en Santiago de Saamasas.

O día 26 o encontro é cos distintos movementos (Lexión de María, Vida Ascendente, grupo de Liturxia, catequistas, voluntarios de Cáritas parroquial).

Durante estes días fará o señor Bispo visitas a enfermos e manterá encontros con distintas comunidades relixiosas que están na parroquia de San Antonio de Padua.

Xornadas sobre ensinanza relixiosa escolar e escola 2.0

A Sección de Formación do Profesorado de Relixión Católica de Galicia do Instituto Teolóxico Compostelán e a Vicaría de Ensino da Diocese de Lugo convocan o curso titulado Ensinanza Relixiosa Escolar e Escola 2.0. O relator principal é Pablo Muñoz, da Escola Universitaria de Maxisterio de Lugo.

O día 21 de outubro de 2011 (venres) inícianse as xornadas ás 18 horas cunha acollida e presentación no IES Leiras Pulpeiro. A partir das 18’15 horas haberá dúas conferencias:

  • A nova ensinanza no século XX: a escola
  • A ensinanza da Relixión Católica e as novas tecnoloxías

O día 22 de outubro hai dúas conferencias pola mañá: Novas maneiras de ensinar: os blogs e as redes sociais e A técnica e a ética na ensinanza actual. Pola tarde, hai obradoiros sobre didácticas para Infantil Primaria, Secundaria e Bacharelato

Valoración en horas: Fase formativa: 11 horas. Fase de avaliación: 1 hora

Destinatarias: 120 profesores de Relixión Católica

Coordinadores: D. Juan José Capeáns Pazos e D. Enrique Luis Sánchez Arias.

Custo da matrícula: Sen custo.

A %d blogueros les gusta esto: