A Nosa Voz

A peregrinación diocesana de Lugo a Fátima faise entre 14 ao luns 17 de setembro de 2012. Está organizada pola Hospitalidade Diocesana de Lourdes de Lugo co seguinte programa:

DÍA 14: Visita á nova Basílica Subterránea e Celebración Comunitaria da Penitencia, na mesma. Misa na Capelinha, presidida por Lugo.

DÍA 15: Misa na Basílica, presidida por Lugo. Pola tarde, visita a Lisboa; Belén; Estoril; Cascais; Sintra. Pola noite, participación na Procesión dos Fachos, con actuación de Lugo.

 

DÍA 16: Participación na Misa Internacional, con actuación de Lugo. Pola tarde, excursión a Bathala (Santa María da Vitoria); Nazaré.

 

DÍA 17: Misa na Capelinha. Saída para Coimbra, Bom Jesú. Comida en Bom Jesú. Pola tarde, visita ao santuario de Sameiro, onde se terá unha celebración mariana.

 

Esta actividade non é unha viaxe de turismo; nin unha excursión relixiosa calquera. É unha peregrinación, é dicir, un itinerario espiritual, no que as paisaxes, o santuario convidan a viaxar ao noso interior, para atoparnos con nós mesmos; cos irmáns compañeiros de viaxe e con Deus.

Ademais das grandes festas marianas do Cebreiro e O Faro, por toda a Diocese hai estoutras celebracións os días 8 e 9:

Ventosa, Agolada

Sábado 8: misas rezadas a partir das 9.30 horas e ás 12.30 horas misa cantada e posterior procesión co acompañamento da Banda Municipal de Agolada.

Domingo 9, ás 12 misa en memoria do 800 aniversario da igrexa de Ventosa. Con este motivo, colocáronse unhas placas que explican a riqueza arquitectónica e escultórica do templo.

 

Romaría da Ermida, Quiroga

Está celebrándose a Novena a Nosa Señora dos Remedios.

Día 8 : na misa das 13 horas haberá música de órgano. Este ano hai unha novidade importante na procesión: o día 8 estarán representadas todas as parroquias cos estandartes da Seara, Quiroga, Hospital, etc… que irán tralo estandarte da Ermida.

 

Nosa Señora das Dores, Santa Baia de Losón, Lalín

A tan só 2 km do Santuario do Corpiño, coa súa Fonte de Augas Milagrosas para os enfermos.

Día 8, despois da novena das 20:30 haberá procesión de fachos.

Día 9, ás nove da mañá santo rosario e a continuación misas rezadas. Estará o Coro Rocieiro de Granada para a Misa Solemne (ás 13 h.). Despois desta, o mesmo grupo presentará cantos e bailes típicos. Tamén actuará a charanga Roxedoiro durante a comida.

 

Virxe do Socorro, Santa Mariña de Adai, O Páramo

Días 8 e 9: misa solemne ás 13  horas.

 

Virxe do Couto, Santa Baia de Cira, Silleda

Sábado 8, pola mañá misas rezadas e ás 13.00 será a misa solemne.

 

Virxe dos Remedios, Santa María de Piñol, Sober

Venres 7 (festivo local), ás 20.00 horas, subida da Virxe ao Santuario de Cadeiras.

Sábado 8, día grande da Romaría de Cadeiras con misas rezadas a partir das 11.00 horas, sendo ás 13.30 horas a misa solemne en honra á Virxe dos Remedios.

Domingo 9, durante a mañá levarán a cabo misas rezadas e ás 13.30 horas terá lugar a misa solemne.

 

Nosa Señora dos Remedios, Santuario de Santa María, Alto de César

Sábado 8, subida ao Alto de Cesár, onde se celebrarán misas a partir das 8.30 horas e ás 13.00 horas misa campestre

Domingo 9, misas a partir das 9.30 horas e misa campestre tendrá lugar a las 13.00 horas.

 

Virxe dos Remedios, Santa María de Foilebar, O Incio

Sábado 8, misa solemne ás 13.30 horas, seguida da procesión, en honra á Virxe.

Domingo 9, ás 13.30 horas, misa solemne e procesión en honra á Virxe

 

Virxe dos Remedios, Antas de Ulla

Sábado 8, ás 13.00 horas, misa solemne seguida de procesión acompañada pola Banda Municipal de Antas de Ulla, que dará un concerto ao remate dos actos relixiosos.

Domingo 9, ás 13.00 horas, misa solemne e posterior procesión acompañada pola Banda de Música de Muimenta

 

Virxe dos Remedios, Arxemil, O Corgo

Domingo 9: ás 13.00 horas celebrarase a misa solemne en honra á Virxe dos Remedios e posterior procesión.

 

Virxe de Guadalupe, O Saviñao

Sábado 8, comeza a xornada de festa coa celebración da misa solemne en honra á e posterior procesión.

Domingo 9, ás 13.30 horas celébrase a misa solemne e posterior procesión.

 

Virxe dos Milagres, Xestoso, Silleda

Domingo 9 misas rezadas en honra á Virxe dos Milagres ás 10.30, 11.15 e 12.00 horas. A hora da novena é as 19h.

 

Virxe do Carme, Santa María de Belante, Sarria

Domingo 9, misa solemne en honra á Virxe do Carme ás 13.30 horas, a mesma hora que o luns 10.

 

Nosa Señora do Montserrat, Donramiro, Lalín

Domingo 9, ás 12.00 horas, subida da Santa en procesión desde a igrexa até a capela, para unha hora máis tarde celebrar a misa solemne e procesión en honra a Nosa Señora de Montserrat, acompañada da Banda Municipal de Lalín.

Luns 10, misa solemne ás 12.30 horas e actuación da Banda de Música A Lira de Prado.

 

A Fonsagrada

Sábado 8 ás 13:00 Misa e procesión coa charanga Madialeva. As celebracións prolónganse ata o luns 10 de setembro, que é festivo local

 

San Pexerto, Buciños, Carballedo

Domingo 9, veneración do mártir San Pexerto, do que se conservan as súas cinzas na igrexa parroquial de Buciños.

O próximo domingo ás 12 haberá unha Eucaristía na igrexa de Ventosa presidida polo señor Bispo e de seguido unha procesión, para conmemorar os 800 anos de existencia da mencionada igrexa.

Ventosa está a 4,5 Km de Agolada. O seu núcleo principal é Laxe, que ten aires de pequena vila. A parroquia é fundamentalmente agrícola-gandeira.

Moitos elementos da igrexa pertencen plenamente ao románico en Galicia, o que situaría a súa construción entre 1170 e 1212. Daí a celebración do 800 aniversario.

Ventosa é unha parroquia do Concello de Agolada, con restos de culturas antigas.

En San Xulián dos Chaos, lugar no que o bispo de Lugo-Braga Odoario (s. VIII) fundou a primeira parroquia, hai un dobre sepulcro de forma antropoide, tallado en roca viva. Tamén preto da actual igrexa hai un pequeno castro.

As primeiras noticias documentadas referentes a esta parroquia datan de 952. Ordoño III, neste ano, doa á igrexa compostelá e ao seu bispo Sisnando II as terras do antigo condado ventosino. A doazón tiña o fin de sustentar aos cregos que atendían a peregrinos, pobres e enfermos do Camiño de Santiago. Polo ano 1400, Ventosa era xa parroquia importante ou “freguesía” como se dicía daquela. Tiña personalidade xurídica propia. Era, en termos de agora, partido xudicial.

A igrexa de Ventosa é un conxunto único e dos máis fermosos de Galicia. Aínda que as esculturas non manteñen o seu lugar orixinal, hai un esquema teolóxico e orixinalidade temática. En palabras de Filgueira Valverde: é “a catedral da arte rural galega”.

Concluídas as obras de restauración do templo de Santa María do Castro (Cervantes), o sábado 4 de agosto tivo lugar unha celebración eucarística presidida polo señor Bispo da Diocese, Alfonso Carrasco Rouco.

Os traballos de recuperación do templo, iniciáronse no ano 2009. Nunha primeira fase cambiouse o chan, mellorouse o teito, adquiriuse mobiliario e acondicionouse a contorna.

A igrexa parroquial fora catalogada como contemporánea (s. XX) pero durante unhas intervencións arqueolóxicas descubríronse unhas pinturas murais nunha pequena xanela situada no testeiro, que facían pensar que esa cronoloxía podería ser errónea.

De feito, houbo a finais do século XIII un primeiro edificio sobre o que se construíu a igrexa actual. E desde entón foi modificándose con cinco construcións superpostas e consecutivas no tempo, que modificaron a estrutura inicial. Atendíase a varios factores, de orde relixiosa, social…