O venres 21 ás 19:30 no local parroquial de San Francisco Xavier de Lugo haberá un encontro coa misioneira laica Ana López Castaño, que presentará a realidade de Bolivia a través da película Escríbeme postales a Copacabana.
A Nosa Voz
Os salesianos celebran os 25 anos de presenza en Lugo
O día 21 desde ás 18:00 ás 24:00 horas, na praza Agro do Rolo do barrio da Milagrosa, a comunidade dos salesianos celebra os 25 anos de presenza en Lugo cunha festa benéfica:
-
Paella xigante
-
Música, contacontos, maxia, para nenos e adultos
-
Mercado de discos, xoguetes…
-
Xogos populares (carreiras de sacos, tirasoga…)
-
Sorteo de obxectos de famosos (camisetas de futbolistas, discos asinados, obxectos orixinais de actores, pilotos de Fórmula 1…).
Os beneficios destínanse a Cáritas parroquial e á Fundación Juan Soñador.
Memoria 2012 de Cáritas Diocesana de Lugo
O xoves 20 de xuño Cáritas Diocesana de Lugo presentou a Memoria 2012, na que figuran, entre outros, os seguintes datos:
Recursos económicos: 393 persoas. Voluntarios: 377. Técnicos: 16
Recursos económicos: 1.061.555,12 €. Desta cantidade, os fondos propios (52,10%) proceden de colectas das parroquias, cotas dos socios, donativos de persoas particulares, empresas. Fondos públicos (47,9%) son ingresos por subvencións das administracións local, autonómica, central e da Unión Europea. Algo máis de 5000 persoas recibiron asistencia de Cáritas Lugo durante o ano 2012.
En axudas a persoas vulnerables houbo un gasto de 480.180,75 € para axuda no fogar, alimentos, axuda escolar, vivenda, suministros, formación (becas), atención sanitaria, actividades, documentación, débedas de persoas.
A persoas excluídas destináronse 21.644,18 €. O Comedor San Froilán serviu 49.500 comidas durante o 2012.
O capítulo de mantenemento, campañas e sensibilización supuxo un gasto de gasto de 96.036,01€. E o de cooperación internacional (Haití, Somalia): 540 €
Co Servizo de Empresas con Corazón colaboran 25 empresas.
Festa da fe no santuario de Nosa Señora de Cadeiras
O domingo 16 de xuño foi a Festa da fe do arciprestado de Monforte, na que participaron centos de fregueses de Amandi, Ferreira de Pantón, Monforte, O Saviñao.
O santuario de Cadeiras está adicado á Virxe nunha porción de monte escampado en territorio da parroquia de Bulso, Sober. Ampliábao cara a 1.768 o párroco do curato de Pinol, quen acudiu ao Real Consello en demanda de licenza para pedir esmolas nunha contorna de vinte leguas.
O templo, sinxelo exemplar do barroco galego do século XVIII, unha soa nave de pedra granítica e sillería ben labrada.
Publicados dous estudos relacionados coa historia da Diocese
Acaba de aparecer Annuarium Sancti Iacobi. revista de investigación e divulgación científica do Arquivo da Catedral de Santiago. Entre os estudos medievais deste primeiro número hai un artigo de Manuel Rey Olleros, “El Breviario de Lugo: su música”.
Tamén é de recente aparición unha nova publicación miscelánea, titulada ‘Oh lux Iberiae’. En torno a las letras en la España medieval (Lugo: Editorial Axac). Nela hai un artigo de José Mª. Anguita Jaén dedicado á interpretación filolóxica de tres inscricións latinas gravadas en pedra achadas en terras da Diocese de Lugo, unha das máis antigas da Península Ibérica. O traballo titúlase “Tres inscricións lucenses máis que milenarias: a Lápida de Bretoña, o Acróstico de Odoario e o Disco de Quiroga”. Con esta última denominación refírese ao crismón.