A Hospitalidade Diocesana de Lourdes organiza entre os días 1 e 5 de xullo a peregrinación ao santuario francés, na que participan máis de 600 persoas de Viveiro; Chantada – Escairón – Monforte – Poboa de Brollón; A Fonsagrada; Sarria; Monterroso; Rábade e Silleda – Lalín. Serán 12 autobuses
A Nosa Voz
Peregrinación da mocidade ao Faro
Este ano son dous días, o primeiro o venres 28 en Chantada e seguinte día, o sábado 29 é a peregrinación.
O horario de todo o programado é o seguinte:
Venres 28 pola tarde
-
Ás 7: acollida no pavillón de Chantada.
-
De 7 a 8: distribución por grupos.
-
Ás 9: cea.
-
Ás 10: musical Todo va a cambiar
-
Ás 11:30: entra o Santísimo e oración.
Sábado 29
-
Ás 10 e cuarto, exposición do tema: O sentido da túa vida e unha hora máis tarde, reunión por grupos.
-
Ás 12 será a saída en autobús para a explanada na que, media hora despois, comezará a peregrinación ao Faro.
-
Ás 2 chégase ao Faro e saúdase á Virxe.
-
Pola tarde, trala comida, ás 3 e media empeza a velada e acto seguido concerto, testemuño, confesións.
-
Ás 5 e media, tempo libre e prepárase a Misa, que será ás 6.
-
E o final está previsto para as 7 e media.
Cursiño de ingreso no Seminario Diocesano
O curso de ingreso no seminario para o curso 2013-2014 terá lugar os días 27, 28 e 29 de xuño. Todos aqueles seminaristas que queiran ingresar poden recoller a solicitude e información na portaría do Seminario.
No Seminario ofrécense os catro anos de secundaria obrigatoria, o Bacharelato e estudos eclesiásticos. É dicir, a partir dos 12-13 anos.
Celebracións adicadas á Virxe do Corpiño
No santuario do Corpiño, Losón, as misas matutinas na fin de semana comezan ás 9 e as vespertinas ás 5 da tarde.
Misas solemnes: domingo 23 e luns 24 ás 12. A Misa do luns está presidida polo Sr. Bispo, Mons. Alfonso Carrasco.
Ao finalizar a misa solemne, ten lugar a procesión que dura unha hora. Durante ela os peregrinos colócanse ao redor do Santuario e van pasando todos por baixo da imaxe da Virxe mostrándolle así a súa veneración e pedindo súa protección.
Virxe do Corpiño en Grolos, Guntín
O sábado 22 de xuño, misa solemne ás 13.30 horas e o domingo 23, pola mañá celebraránse misas rezadas cada hora a partir das 9.00 horas e ás 13.30 horas terá lugar a misa solemne en honor á Virxe.
Clausura do curso pastoral 2012/13 e Festa da fe do arciprestado de Becerreá
A última das Festas da fe na Diocese, é a do arciprestado de Becerreá o día 22 de xuño, e coincide coa clausura do curso pastoral 2012 – 2013. Nesta ocasión, o marco da celebración é o santuario do Cebreiro. Os actos comezan ás 11, coa acollida. Ás 11:20 trátase a cuestión: aspectos da evanxelización. Ás 13 horas é a Eucaristía. Tras unha comida de irmandade, rézase unha oración mariana. E a despedida será sobre as cinco e cuarto.