A Nosa Voz

Novos beatos vinculados a Lugo

Mons. Basulto Berardo de Visantoña

A Mons. Manuel Basulto disparándolle cunha escopeta desde unha distancia de metro e medio en Vallecas en agosto de 1936. Fora trasladado en tren desde Jaén cun grupo de presos, entre os que se encontraba algún familiar seu, que tamén morrería. Despois de 67 anos de vida e 26 de goberno episcopal (10 en Lugo e 16 en Jaén) Don Manuel Basulto foi asasinado vilmente, sen xuízo nin condena, polo mero feito de pertencer á Igrexa.

Berardo de Visantoña foi un franciscano capuchino que nacera en Visantoña, Santiso, A Coruña, Diocese de Lugo. Morreu mártir o 14 de agosto de 1936 en Jove, Asturias. Tras sufrir varios bombardeos Xixón, unha multitude rodeaba a igrexa de San José, convertida en cárcere, pedindo a cabeza dos detidos nela. Enchéronse tres camións. Aínda que non se sabe o número total de executados a cifra rolda as 100 persoas. O fusilamento realizouse dentro das tapias do cemiterio de Jove.

Como se celebra a Misa?, título da VIII Xornada de Liturxia

Xornada liturxia 2

Este ano o tema da VIII Xornada Diocesana de Liturxia responde ao interrogante de como se celebra a misa. Para desenvolver o tema, a Delegación de Liturxia acudiu ao reitor do Seminario de Girona, Jordi Font i Plana.

A xornada, dividida en dúas sesións, comezou ás 10.15 pola mañá. Pola tarde ás catro e media. Temas: partes da misa, xestos e signos, actitudes para vivir a Misa, sentido do canto.

Miguel Ángel Álvarez: A primeira encíclica escrita por dous Papas

Non podía ser doutra forma. Estando no Ano da Fe a encíclica tiña que ser dedicada á fe. Lumen Fidei, A Luz da Fe, é o seu título. Unha encíclica realmente escrita por dous Papas. Benedito XVI iniciáraa para completar a serie de encíclicas dedicadas ás virtudes teologais: fe, esperanza e caridade. Con total gratuidade e humildade, pasa as súas anotacións ao novo Papa, para que este nos anime a todos a seguir facendo alegremente o camiño da fe.

Nos medios de comunicación agradécense moito os titulares, e na Lumen Fidei témolos abundantemente. Frases breves e claras pero sen deixar de ser profundas. Palabras que nos estimulan e axudan a crer, a atopar a alegría da fe, a construír un mundo no que Deus é o fundamento de toda fraternidade, xustiza e esperanza.

Calquera persoa que saiba ler atopará, nesta encíclica, unha boa axuda para vivir a fe en Xesucristo con alegría e sen complexos. Por iso animo a facer o propósito de comprala e lela durante este novo curso pastoral que estamos a comezar.

Os sacerdotes de parroquias no Camiño teñen unha xuntanza en Palas

A igrexa de Palas de Rei acolle o próximo 8 ás 10:30 unha reunión dos sacerdotes con parroquias polas que pasa o Camiño Francés no territorio da Diocese de Lugo. Por iso tamén asistirán de Melide e Arzúa (pertencentes á Diocese lucense) xunto con sacerdotes de Pedrafita do Cebreiro, Triacastela, Samos, Sarria, Paradela, Portomarín, Monterroso e Palas de Rei.

Entre os asuntos que serán tratados están os criterios que se manterán cos voluntarios que atenden aos peregrinos. 

O Seminario diocesano de Lugo ofrece varias posibilidades educativas

Seminario Lugo

O edificio do Seminario acolle distintas realidades formativas:

  • Seminario Maior da Sagrada Familia. Para este curso 2013-2014 son 7 os seminaristas maiores nos cursos 1º a 4º de Estudos Eclesiásticos, ao incorporarse tres novos seminaristas a 1º de Estudos Eclesiásticos.

  • Seminario Menor do Sagrado Corazón, onde se forman mozos da Diocese ou de dioceses veciñas que, ou ben manifestan o desexo de ser un día seminaristas maiores e logo sacerdotes, ou ben non descartan esa posibilidade. Son 43 alumnos os que neste curso 2013-2014 están preparándose para alcanzar tamén as titulacións de secundaria.

  • Instituto Teolóxico Lucense, para que seminaristas, relixiosos e laicos estuden Teoloxía até o nivel eclesiástico de Bacharelato en Teoloxía (equivalente civil ao Grao).

  • Extensión en Lugo da Sección a distancia do Instituto Superior de Ciencias Relixiosas da Universidade Eclesiástica San Dámaso, de Madrid con estudos de bacharelato e grao en Ciencias Relixiosas, camiño para os futuros profesores de relixión de Secundaria.

  • Extensión en Lugo do Instituto Internacional de Teoloxía a Distancia, con estudos que permiten aos diplomados en Maxisterio dar clase de relixión en educación infantil e primaria.

A %d blogueros les gusta esto: