O tempo de Coresma é un tempo de preparación cunha dobre dimensión: bautismal e penitencial. Por ser un tempo de preparación non deberán celebrarse os sacramentos do bautismo, nin vodas, agás en caso de verdadeira necesidade. Deben ofrecerse momentos de oración extraordinaria e meditación da Palabra de Deus, de rezo comunitario da liturxia das horas, exposición do Santísimo, rezo comunitario do Vía Crucis. Respecto ao sacramento da Reconciliación, pode facerse unha celebración comunitaria, segundo a fórmula B do Ritual (Celebración comunitaria con confesión y absolución individual)
A Nosa Voz
Víacrucis na Catedral os venres de Coresma
A Capela de San Froilán da Catedral lucense acolle os venres de Coresma ás 19:30 o exercicio do Víacrucis. O motivo é que no muro dereito da Capela mencionada está a chamada Cruz Grande que foi traída hai cen anos de Terra Santa. Esa cruz de oliveira chegou a Lugo trala VIII peregrinación española e primeira hispanoamericana que se fixera en 1914
Miguel Ángel Álvarez: Visita Ad Limina, a proximidade do Papa
Foi noticia. A finais de febreiro e comezos de marzo os bispos españois fixeron a Visita Ad Limina. É a visita que, periodicamente, fan todos os bispos do mundo ás tumbas dos apóstolos Pedro e Paulo, para atoparse co Papa e informalo da situación das dioceses que teñen encomendadas.
Non é algo novo, faise desde sempre. Pero na actualidade, e grazas á globalización dispoñemos de imaxes e detalles case ao instante en calquera lugar do planeta.
Independentemente dos formalismos, este tipo de actos, mostran de forma afable a unidade da Igrexa, así como a proximidade afectuosa do Papa con todos os fieis do mundo a través dos nosos pastores diocesanos.
Pola súa banda, os bispos, que viaxan á Cidade Eterna, lévanlle ao Santo Padre toda a vida diocesana: o bo e o malo. Por suposto, que tamén lle levan o afecto e a proximidade de cada un dos católicos que peregrinamos baixo a guía do Bo Pastor, do que o Papa é o seu vicario.
Hoxe dunha forma especial, do mesmo xeito que facemos sempre na celebración da Eucaristía, pedimos polo Papa, e polos nosos bispos. É bo para nós ter pastores santos, por iso encomendámolos ao Señor, para que todos, eles e nós, vivamos na perfección da caridade.
Miguel Ángel Álvarez Pérez
Semana Vocación-Misión no Colexio A Milagrosa
Entre os días 8 e 14 marzo celébrase a Semana Vocación-Misión no Colexio A Milagrosa (pza. do Ferrol, Lugo) baixo o lema Soñar cun mundo máis xusto e solidario. Este curso realízanse tres actividades:
Bocadillo Solidario: Durante esa semana véndense bocadillos para o recreo.
Rifa: Unha camiseta e un balón do Club Deportivo Lugo, asinados polos xogadores.
O recadado servirá para axudar aos alumnos con necesidades do Centro.
Tenda Solidaria: No salón do colexio hai unha tenda de artesanía para todo o público. O recadado ten como finalidade financiar os “almorzos de Haití” da “MISSIÓN JEAN GABRIEL PERBOYRE” que as Fillas da Caridade teñen en Gonaïves (Haití) para que os escolares poidan comer ao longo do día.
Horario da tenda: Sábado 8 de marzo (11:30-13:30) (18:30-20:30)
Domingo 9 de marzo (10:00-14:00) (18:30-20:30)
Luns, martes, mércores e xoves (13:30-17:30)
Nomeamentos na Diocese de Lugo para a Delegación de Ensino e parroquias
A Diocese de Lugo fai públicos os seguintes nomeamentos:
Director da Delegación de Ensino, o profesor de Ensinanza Relixiosa Escolar do Instituto de Monterroso, Miguel Rico.
Celestino Rodríguez Raimúndez, Administrador parroquial de Vilaiz, Santiago e A Ribeira, San Martiño.
Ramiro Martínez Carballosa, Administrador parroquial de Ambasvías, Santalla; Castro, Santa María; Dorna, Santa María; Quindous, San Xusto e Vilaver, San Xusto.
Ramón Rodríguez González, Administrador parroquial de Cascallá, Santa María; Pedrafita de Camporredondo, San Xoán; Neira de Rei, San Miguel; Penarubia, Santa María; San Martín de Neira de Rei.
José Manuel Castro Alba, Administrador parroquial de Gondrame, (Santa María e San Vicente), Grallás, San Estevo; Reascos, Santa María e Ribas de Miño, Santiago.
David Gil Mato:
– Párroco de San Pedro de Láncara,
– Administrador de Toirán, O Salvador; Traslite, San Xoán e Vilaleo, Santa María.
José Luis Vázquez Coego, Administrador parroquial de San Pedro de Bande.
Marcos Torres Gómez, Administrador parroquial de Santa María de Donramiro.