Terceira sesión do Curso de formación en matrimonio e familia

Curso formación matrimonio e familia

O día 24 en Silleda tivo lugar a terceira sesión do Curso de formación en matrimonio e familia. A relatora principal foi Begoña Ruiz Pereda. Licenciada en Ciencias Relixiosas, Begoña Ruiz pertence á Fraternidad Seglar en el Corazón de Cristo e na Fundación Desarrollo y Persona  é responsable de Formación do proxecto educativo Aprendamos a amar. Begoña Ruiz ten interese en que a búsqueda de parella se faga con menos ansiedade e con máis liberdade.

No transcurso da súa intervención, referiuse a Adán e Eva e das leccións que se poden obter da súa vida:

“Ao descubrir a súa vocación ao amor, Adán ten a posibilidade de coñecer a Deus dunha maneira como antes non o coñecía. O home coñecía a Deus como creador (deu a vida), como lexislador (deulle a norma) pero non tiña unha intimidade forte no trato con Deus. Pero agora ao descubrir que o corpo sexuado chama á unidade da carne co outro e esta unidade non é simplemente algo físico senón que é espiritual, descúbrese como un don para o outro e viceversa. Descúbrese que Deus é a fonte de todo don, de todo amor.  Cando viven a súa vocación ao amor Adán e Eva, descobren que detrás da súa vida, detrás da súa vocación hai unha bendición de Deus. Por iso Deus fainos fecundos”.

Miguel Ángel Álvarez: Tempo de recoller. Pasos no camiño da fe

O venres da semana pasada tivemos na parroquia de San Froilán a celebración do sacramento da Confirmación. 13 mozos foron unxidos co Santo Crisma polo Bispo.

Pronto empezaremos cos días das Primeiras Comuñóns aos que se unen varios bautizos e vodas, (xa tivemos dúas en maio) programados para os meses de vacacións e calor. É, xa que logo, tempo de ver os froitos do sementado durante os periodos de preparación.

Pero o camiño non está terminado, só iniciado. Por iso coñecemos o Bautismo, a Eucaristía e a Confirmación como os sacramentos da Iniciación Cristiá.

Os cristiáns imos facendo o camiño da vida con pequenos pasos. O alimento vénnos do mesmo Deus, e dánolo, precisamente, por medio dos sacramentos.

Feliz semana e felicidades para todos os que están vivindo e vivirán acontecementos importantes durante o final da Pascua e o verán.

Miguel Angel Álvarez Pérez

Párroco de San Froilán

Encontro Vocacional “Un día no Seminario”

24 maio Encontro vocacional no Seminario lucense

Día: 24 de maio

Hora: De 11h a 17h

Lugar: Seminario

Obxectivo: presentar o Seminario Menor a posibles candidatos.

“Portas Abertas” do Seminario Menor para as familias

Aproveitando o Encontro, tamén o 24 de maio de 11:30 h. a 13:30 hai un xesto de “Portas Abertas” para as familias ou outras persoas interesadas en coñecer o Seminario Menor, a súa proposta educativa, as súas instalacións, o funcionamento ordinario da vida académica e comunitaria… Hai unha primeira presentación e saúdo no Salón de actos e logo unha visita guiada ás instalacións.

Curso “Novas pobrezas” organizado por Arela e a HOAC

Curso formativo en Santiago de CompostelaA asociación Arela, en colaboración coa Hermandad Obrera de Acción Católica, organiza un Curso formativo baixo o título “Novas Pobrezas“, os días 24 e 25 de maio.

As ponencias do curso serán impartidas polo militante da HOAC Juan Francisco Garrido Jiménez, no Seminario menor de Belvís (Avda. Quiroga Palacios, nº 1, Santiago).

O custe do curso completo, incluíndo comidas e aloxamento no mencionado lugar, é de 30€/persoa. Hai un fondo de solidariedade se o prezo é un problema á hora de asistir.

Haberá un servizo de atención a nenos/as maiores de 2 anos, e tamén un programa de actividades para os menores que acudan cos seus pais.

Xornadas de Oración e Formación organizadas pola Adoración Nocturna Feminina

Os días 24 e 25 de maio no Salón Parroquial da igrexa de San Froilán hai unhas Xornadas de Oración e Formación organizadas pola Adoración Nocturna Feminina, co seguinte horario:

O día 24 pola mañá de 10h a 13h e pola tarde de 16.30h a 20h.

O día 25, desde as 10 h ata as 13 h., para participar posteriormente na celebración da Eucaristía xunto coa comunidade parroquial.

Temática: – “A muller desde a teoloxía católica”.

– “A muller hoxe, desde a psicoloxía “

– “A muller segundo a Mulieris Dignitatis de Xoán Paulo II”.

Estas xornadas están abertas a todas as persoas interesadas.

A %d blogueros les gusta esto: