A Nosa Voz

Premiados no Concurso de fotografía sobre Eucaristía e patrimonio

O día 11 de xuño, o xurado do Concurso de Fotografía “Eucaristía e Patrimonio Relixioso en Lugo”, formado polo director do Centro Eucarístico Lucense, José Antonio Ferreiro Varela, Eduardo Ochoa e Lucila Yáñez, acordaron por unanimidade conceder os seguintes premios:

1. Apartado Patrimonio Relixioso

– 1º premio, (750 € e trofeo), á fotografía “Liña do tempo” de Ivo Teixeira Alves.

– 2º premio (400 € e trofeo) á fotografía “Porta da igrexa de Sta María de Cereixido (Quiroga)” de Aida Soengas Castro.

2. Apartado Eucaristía en Lugo

– Primeiro premio, (750 €) e trofeo, á fotografía “Eucaristía II” de Germán Limeres López.

– Segundo premio, (400 € e trofeo), á fotografía “Anxos de Deus, adoralo” de Xacobe Roca Cruz.

Accésit dotado con 250€ e trofeo á foto “Cunqueiro eucarístico” de Miguel Alvárez Pérez.

As fotografías premiadas, así como unha selección de todas as recibidas, estarán a partir do día 21 de xuño na sala de exposicións do Edificio Administrativo da Xunta de Galicia, na ronda da Muralla de Lugo. 

Vixilia de oración polas vocacións no Seminario

O día 12 ás 21:00h hai no Seminario unha Vixilia de oración polas vocacións.

Para potenciar a oración polas vocacións na Diocese, a Delegación de Pastoral Vocacional leva a cabo varios actos. Un deles foi a Cadea Diocesana de Oración polas Vocacións desde as 8 da mañá do pasado 10 de maio até a última hora da tarde do domingo 11. E agora esta Vixilia, que é a última das que se viñeron facendo trimestralmente durante este curso 2013 / 2014. 

Encontro mariano no santuario de Nosa Señora dos Milagres de Saavedra

O xoves 12 de xuño hai un Encontro mariano no santuario de Nosa Señora dos Milagres de Saavedra (Begonte).

Está organizado pola Delegación de pastoral da saúde de Lugo co seguinte programa:

1) ás 16:30h. acollida dos peregrinos,

2) ás 17h charla sobre as mensaxes da Raíña da Paz.

3) ás 18h celebración da santa misa pola saúde dos nosos enfermos. (haberá sacerdotes para o sacramento da reconciliación).

4) ás 19h regreso.

Teléfono da Delegación de pastoral da saúde: 635 882 547

Pasar o tempo con Deus ao noso carón é “máis”

Os días van pasando, xuño xa está aquí, e isto fai que cambiemos algúns hábitos da nosa vida, ou que, polo menos, empecemos a facer plans para o verán.

Completado o tempo pascual, en Lugo aínda nos quedan acontecementos interesantes. O Corpus é un fito importante na vida dos lucenses. A Catedral e o Centro Eucarístico Lucense organizan actividades ao redor desta festa para axudarnos a vivir a centralidade da Eucaristía. Xa nos irán informando os medios de comunicación da Diocese.

Ver como pasa o tempo e como pasamos o noso tempo é algo que temos que pensar de cando en vez. Pasar o tempo dunha forma ou outra tamén nos levará a vivir con ou sen esperanza.

Pasar o tempo con Deus ao noso carón é “máis”.

Miguel Ángel Álvarez

Xornadas de Apostolado Seglar entre os días 6 e 8 de xuño

Xornadas Apostolado Segrar web

As actividades previas ao Día do Apostolado Seglar comezan o venres 6 de xuño, ás 20:00, cunha charla de Xabier Blanco, salesiano, director do Colexio “Divina Pastora” de Lugo, que tratará sobre o lema deste curso a nivel diocesano: A fe, luz da vida. O lugar da conferencia é o salón de actos do Seminario Maior de Lugo.

Ao día seguinte, o sábado 7 de xuño, a vixilia de Pentecoste será na parroquia de Santiago A Nova de Lugo, ás 20:00. Este ano hai unha novidade significativa: ao rematar a vixilia, darán un concerto breve de “Xaquín e a súa banda”. Xaquín R. Pomares, cantautor cristián de referencia en Galicia, compartirá as súas cancións cos asistentes, tanto nenos, xóvenes como adultos.

Por último, o Día da Acción Católica e do Apostolado Seglar, o domingo 8 de xuño, celebraremos a solemnidade de Pentecoste cunha Eucaristía, presidida polo señor Bispo, D. Alfonso Carrasco, na catedral de Lugo, ás 13:00.

A %d blogueros les gusta esto: