Con motivo do 150 aniversario da declaración de San Xosé como patrón da Igrexa universal esta semana iníciase o Ano de San Xosé, que concluirá o 8 de decembro de 2021. Así o establece a carta apostólica Patris corde («Con corazón de pai»). Un decreto da Penitenciaría Apostólica que anuncia este tempo especial fixa así mesmo a concesión de indulxencias no contexto actual de emerxencia sanitaria.
O Papa Francisco quixo achegarse á figura do pai de Xesús, a quen describe na súa carta como un pai na tenrura, na obediencia e na acollida, e un traballador sempre na sombra.
Coa súa carta apostólica sobre o esposo da Virxe, Francisco enriquece a figura dun santo cuxa festa litúrxica foi proclamada o 19 de marzo polo Papa Sixto V a finais do século XV. A súa proclamación como patrón do mundo obreiro o 1 de maio foi obra de Pío XII en 1955.
No informativo diocesano que se emite o domingo 13 de decembro ás 9:45 h en Cope Lugo, Mons. Alfonso Carrasco fala da figura de San Xosé.