O 30 de agosto celébrase a dedicación da Santa Igrexa Catedral Basílica de Lugo, con categoría de solemnidade. “Dedicación” significa “consagración” dun lugar ou dun obxecto (sobre todo o altar) a un uso sacro.
Coa festa da consagración da basílica de Santa María de Lugo celebramos a súa construción como un símbolo da nosa identidade máis profunda: todos somos “templos vivos” de Deus.
Celebramos a construción do templo como unha imaxe da Igrexa universal construída das “pedras vivas” das persoas bautizadas.