A unidade pastoral da Parroquia da Estación comprende actualmente A Parte, Bascós, Chavaga, Reigada, Rivasaltas e Valverde. Baixo o lema “Camiñando da man de Xesús e María” vense celebrando o cincuentenario da Parroquia desde hai varias semanas. Así, o sábado 5 de novembro houbo Misa cantada co grupo Trícole, e o sábado 12 coa Schola Gregoriana Lucensis. Námbolos dous casos houbo tamén un concerto.
E o domingo 20 de novembro ás 12:30h hai unha Eucaristía de acción de grazas, presidida polo señor bispo Alfonso Carrasco Rouco. Intervirá a Coral de Renfe.