Mes: Xullo 2022

Noite coral lucense

O sábado 9 de xullo ten lugar a IV edición da Noite Coral lucense. Desde o ano 2018 vén celebrándose este circuíto nocturno de concertos por templos da cidade e o Círculo das Artes, concluíndo cun concerto final na Catedral.

20.30 h Igrexa de S. Pedro- Orfeón Lucense

21.10 h Igrexa de S. Froilán – Grupo vocal Solo Voces

21.50 h Igrexa de Santiago A Nova – Coral Hospital de Lugo

22.30 h Círculo de las Artes- Gruppo Vocale S. Bernardo

23.10 h Catedral de Santa María – Todas as corais e máis Quarteto di Brescia (trombóns), Nicolás Varela (órgano) e Giulio Mercati (director).

[Programa e información sobre os intérpretes]

Campamento de Voluntariado para a Sustentabilidade organizado por Mans Unidas

Mans Unidas convida a participar dunha experiencia onde debater sobre os principais retos sociais e ambientais aos que se enfronta o planeta. Trátase dun espazo onde formarse sobre as novas necesidades do voluntariado e os Obxectivos de Desenvolvemento Sostible.

A escola de voluntariado desenvolverase como un campamento de voluntariado para a sostenibilidade, nas instalacións da Asociación Raiña Paraiso en Vilasantar (A Coruña) durante os días 21 ao 24 de xullo. Está destinado a mozos entre 16 e 25 anos. Coa contribución da Fundación KR, no marco da iniciativa CIDSE “Change for the Planet – Care for People”.

O campamento ten un prezo de 40 euros, que inclúe pensión completa, seguro e a posibilidade de transporte desde Santiago de Compostela a Vilasantar, para aqueles que o necesiten. Os participantes levarán unha saba baixeira, funda de almofada, saco de durmir, roupa e calzado cómodo e axeitado para actividades de tempo libre.

O prazo de inscrición finaliza o 15 de xullo. As prazas confirmaranse a través do enderezo electrónico, previo pago por transferencia bancaria da inscrición, e incluirase como concepto: Campamento e nome completo do que se inscribe, na conta bancaria: ABANCA ES76 2080 0300 8930 4004 4605 Titular: Mans Unidas

Para máis información, escribir un correo a: educación.galicia@manosunidas.org

PROGRAMA

Xoves 21 de xullo

10:45 Recepción das persoas participantes.

11:00 Presentación do programa e introdución

16:00 Introdución ao voluntariado

18:00 A participación social, clave para a consecución da axenda 2030

20:00 A Axenda 2030 e os obxectivos de desenvolvemento sostible (ODS)

22:30 Obradoiro sobre o ODS 1. Loita contra a pobreza

Venres 22 de xullo

10:00 Obradoiro de agroecoloxía.

16:00 ODS 2. Fame Cero: Desmontando os mitos da fame I

20:00 Obradoiro: Que podemos facer para acabar coa fame?

22:30 Videoforum

Sábado 23 de xullo

10:00 Ruta de sendeirismo

16:00 ODS 13 Acción polo Clima

18:00 ODS 12 Produción e Consumo responsable

20:00 Obradoiro

22:30 Festa de conclusión.

Domingo 24 de xullo

10:00 Obradoiro de agroecoloxía

12:00 O papel da sociedade civil nas Conferencia das Nacións Unidas sobre o Cambio Climático. Videoconferencia co Responsable de CIDSE (Rede europea de ONGD’s)

16:00 Avaliación e despedida.

[Formulario de inscrición]

Suspendida a peregrinación diocesana a Fátima

A Xunta Directiva da Hospitalidade Diocesana da Nosa Señora de Lourdes de Lugo, informa a todos os seus socios e colaboradores que, debido á actual realidade sanitaria e os informes recibidos do Santuario portugués de Fátima, decidiu suspender a anual peregrinación diocesana a Fátima, na data en que estaba programada, primeira semana do mes de setembro.

Desde a Hospitalidade Diocesana da Nosa Señora de Lourdes de Lugo recomendan vivamente a socios e peregrinos, a maior relación posible entre todos, e dun xeito especial con aquelas persoas que vivan soas ou teñan algún problema que as faga depender dos demais ou carecen de saúde.

Xornada de Responsabilidade no Tráfico

O primeiro domingo de xullo, celébrase a Xornada de Responsabilidade no Tráfico que, desde fai cincuenta e catro anos, impulsa o Departamento de Pastoral da Estrada da Conferencia Episcopal Española ás portas da festa de san Cristovo, patrón dos transportistas e condutores.

O lema da Xornada deste ano 2022 está tomado do Evanxeo de san Lucas «María púxose en camiño».

Estamos en plena época de desprazamentos masivos de vehículos con motivo das vacacións, as numerosas festas patronais… Todo iso, como condutores, esixe máxima responsabilidade. Na nosa comunidade parroquial, como na sociedade, á parte de peóns, a maioría tamén conduce.

Os bispos da Subcomisión Episcopal para as Migracións e Mobilidade Humana – Departamento de Pastoral da Estrada da Conferencia Episcopal, apelan “á conciencia e ás ensinanzas evanxélicas e da Igrexa, que non se limitan a lembrarnos o deber de non facer mal a ninguén, senón o de facer o ben a todos, até o punto de amar ao próximo como a un mesmo… A estrada non debe ser unicamente un lugar de ir e de vir, senón tamén un lugar de vivir a fe, de encontro, de diálogo, de goce, de convivencia, de oración”

[Materiais da Xornada]

A %d blogueros les gusta esto: