As dioceses de Galicia serán este ano a sede de todas as actividades que con carácter nacional realizarán as Obras Misionais Pontificias (OMP) en relación co Domund, a Xornada Mundial das Misións. No outubro misioneiro deste ano as principais cidades de Galicia acollerán testemuños, charlas, exposicións e a lectura do pregón. Este ano o Domund celebrarase o día 22 de outubro co lema “Se valente. A misión agarda por ti”. Con este lema faise referencia a que os misioneiros son un modelo para todos os cristiáns e para a sociedade actual. Evanxelización e promoción social son para as Obras Misionais Pontificias dúas caras da mesma moeda: o desenvolvemento integral do home.
O Domund é unha ocasión privilexiada para volver a mirada con gratitude aos preto de 13.000 misioneiros españois.
O Centro Penitenciario de Bonxe, na semana da Nosa Señora da Mercé, acolle as IX Xornadas divulgativas do Camiño Primitivo. Trátase de dar a coñecer a ruta xacobea nos seus variados aspectos: relixioso, histórico, paisaxístico… e fomentar a cultura xacobea no ámbito penitenciario. O programa deste ano é o seguinte:
MARTES 19 ás 17:45h
Presentación das Xornadas a cargo de D. Álvaro Nuevo García, Director do Centro Penitenciario de Bonxe -Lugo.
Conferencia: “Roma-Santiago, Camiño en espíritu e verdade”, por D. Alberte Leiva Torreiro, párroco de San Antonio de Padua (Lugo), licenciado en Maxisterio, profesor no Colexio Divino Mestre.
MÉRCORES 20 ás 17:45h
Conferencia: ” O Camiño primitivo do Acebo a Lugo”, por D. Manuel Muñiz Besteiro, Licenciado en Galego-Portugés, profesor no Instituto Gregorio Fernández de Sarria, sindicalista, presidente da Asociación Amigos do Patrimonio de Castroverde e socio de varias Asociacións culturais e veciñais.
XOVES 21 ás 17:45h
Conferencia: “El Camino como intervención terapéutica”, por D. Roberto Fernández Villamil, Subdirector de Tratamento do Centro Penitenciario de Bonxe-Lugo.
Proxección da montaxe audiovisual “Lembranzas do Camiño Primitivo”. Participan José Peña Lage, secretario da Asociación Viandantes do Camiño Primitivo e internos da prisión.
Desde hai uns meses invítase a participar na Adoración Nocturna, cunha resposta positiva
O 16 de setembro no Corpiño reinaugúrase oficialmente a súa Sección Adoradora. Adoradores de Galicia asisten a este festivo acto para acompañar ao novo grupo adorador que reinicia a súa andadura da man da Nosa Señora do Corpiño.
PROGRAMA DE ACTOS
18,30 h: Concentración de Adoradores e inscrición de Bandeiras na “Carballeira do Santuario”.
19,30 h: Procesión de Bandeiras e rezo do Santo Rosario ata o adro do templo. Recepción por parte do Rector do Santuario e entrada pola Porta do Ano Santo.
20,00 horas: Solemne Vixilia de Reinauguración coa celebración da Santa Misa con vésperas, exposición do Santísimo, oración de presentación de adoradores, oficio de lectura e quenda de vela, finalizando coa Procesión Eucarística, Bendición do pobo. Reserva e ágape fraterno.
Para asistir a este acontecemento, o Consello Diocesano de Lugo dispón autocares que sairán ás 17h do citado día desde a praza de Bretaña, con paradas diante do edificio da Xunta, (Ronda da Muralla) e Fonte dos Ranchos, para recoller aos adoradores/as con praza reservada.
O triduo que se celebra en Sta. Mª Magdalena de Adai (Lugo) en honra da Virxe da Saúde estará presidido ás 19:30h polos Arciprestes da zona e colindantes: O xoves 14 de setembro por D. Francisco García Campo, párroco de San Vicente de Rábade e arcipreste de Cotos da Esquerda.; o venres día 15, farao D. Antonio Fernández González párroco do Bo Pastor de Lugo e arcipreste da cidade de Lugo e o sábado día 16 dirixirao o arcipreste de Cotos da Dereita: D. José Chorén López, párroco de San Pedro de Soñar.
O domingo, día 17, haberá misas desde as 9 da mañá; celebrándose a Solemne ás 13 horas, presidida por D. Severino Suárez, Párroco de San Francisco Xavier da Coruña e Arcipreste da cidade herculina.
Este ano estréase o himno á Virxe da Saúde, composto por D. José Molejón Rañón, organista da Catedral de Lugo e gran devoto da Virxe. Tamén se conta, por primeira vez, co estandarte da Virxe da Saúde deste Santuario, doado por unha devota.
Trala Misa Solemne do día 17, realizarase a “Bendición de chaves” e a Procesión ao redor do Santuario, finalizando os actos coa veneración á imaxe da Virxe da Saúde.
En torno ao Santuario, haberá carpa e actuacións de varios grupos.
José Mª Sánchez de la Madrid, párroco de Santo Domingo (primeiro pola dereita)
O segundo día da XXV Semana de Formación Permanente dos Cregos de Galicia, que se realiza en Poio, o párroco de Santo Domingo (Algete, Alcalá de Henares) José María Sánchez de la Madrid tivo dúas intervencións e na primeira explicou o funcionamento da súa Parroquia.
O esqueleto fundamental está constituído por 4 elementos: visión, misión, dimensións e valores:
– visión: onde se vai (onde non hai visión o pobo extravíase, Prov 29:18)
– misión: edificar unha comunidade cristiá para facer realidade o Reino de Deus no mundo
– dimensións esenciais na vida da Igrexa (tarefas das que se fala, por exemplo, en Deus caritas est)
– valores: primacía de Cristo, actitude de marcha inspirada polo Espírito Santo, caridade, alegría, comunidade na que se comparte todo, coherencia, excelencia
En xeral funciónase por actividades, que pode que non leven a nada. Se unha actividade deixa de estar aliñada neste eixe de 4 elementos, pois a actividade déixase. Isto dá moita paz, pois ás veces pénsase que eliminando actividades acábase o mundo e a experiencia demostra que pasan cousas boas e mellores.
Deus non chama aos capacitados, capacita aos chamados. Deus sabe que non somos perfectos, pero El vai capacitándonos para levar adiante a tarefa. Para descubrir por que camiño nos chama Deus para servir, de cando en vez lévase a cabo o taller “Descubrindo a miña fórmula” CCQ carácter (encontro con Cristo), capacidade (talentos) e química (traballo en equipo). Así que non se organiza a Parroquia por necesidades, senón pola xente que hai.
Alpha foi o motor do cambio, ensina como poñerse no lugar dos alonxados. Cada ano na Parroquia Santo Domingo hai 3 Alphas: Xoves (15-17 anos), Almorzos (nais que non traballan..) e Alpha Ceas
Oratorio de nenos pequenos: empezouse como postcomuñón e logo incorporouse á catequese. Non é que se suprimise esta, senón que houbo unha modificación: xa non era con clases maxistrais, como unha clase de relixión, senón que usando o catecismo Xesús é o Señor emprégase a metodoloxía de Gonzalo Carbó.
