Mes: Novembro 2015

Inicio da Novena da Milagrosa e do triduo a Cristo Rei

Na parroquia da Milagrosa (Lugo) comeza o día 19 a Novena en honra da Santísima Virxe da Medalla Milagrosa. A misa ofreceráse por tódolos defuntos da parroquia. O horarioco é o seguinte:

  • Rezo do Santo Rosario ás 19h.
  • Eucaristía ás 19:30h.
  • Exposición do Santísimo despois da Misa.
  • Confesións de 19 a 19:30 h.

Do 19 ao 27 de novembro na igrexa parroquial de S. Froilán hai os seguintes cultos: 19:15 Santo Rosario e exercicio piadoso da Novena e ás 19:30 é a celebración eucarística. A proclamación da divina Palabra está a cargo de Miguel Ángel Álvarez, párroco de San Froilán. O día 27, Festa da Santísima Virxe da Medalla Milagrosa, hai Misa solemne ás 11 da mañá.

Do 19 ao 21 de novembro, o Apostolado da Oración organiza na parroquia de Santiago A Nova un triduo preparatorio da solemnidade de Cristo Rei. Os actos terán lugar ás 19:30h comezando co rezo do Rosario, Triduo e celebración da Eucaristía. Presiden Luciano Armas e Luis Varela.

Oferta formativa en parroquias da capital lucense

Desde a primeira semana deste mes está a disposición de toda a comunidade de San Antonio de Padua, Lugo, a Biblioteca Parroquial. Está composta por dous tipos de fondos: infantil (ou de catequese) e de adultos.

Terá o seguinte horario: xoves e venres de 17:30h a 19:30h; sábados e domingos, de 11:30h a 13h. e os fondos están catalogados aquí.

Encontros sobre a Laudato si na parroquia Santiago A Nova.

Na última semana de novembro inícianse os encontros semanais sobre a Encíclica do papa Francisco Laudato si‘. En principio o horario será o seguinte:

As Fontiñas: mércores, día 25, ás 19.00 hs.

Santiago A Nova: xoves, día 26, ás 19.00 hs.

 

Última sesión do curso “Aprendamos a amar”

curso-monitores-Aprendamos-a-amar_Página_1

Os días 13 e 14 de novembro ten lugar en Santiago de Compostela a 3ª e última sesión do curso “Aprendamos a amar”. O venres de 17.30 a 21.30h e sábado todo o día. Este curso de educación afectivo-sexual está impartido impartido polas profesoras Nieves González Rico e Begoña Ruiz, que tratarán os seguintes temas: aprendemos a xuzgar: métodos anticonceptivos e aborto; amar co corpo; aspectos morais da regulación da natalidade; taller “Acompañar desde as preguntas”; a madurez afectiva: ser libres para amar. Este curso está organizado pola Fundación Centro de Orientación Familiar Diocesano de Lugo e pola Coordenadora Interdiocesana de Pastoral Xuvenil de Galicia.

Encontro en Lugo de Equipos de Nosa Señora de Galicia

11 novembro día 14 encontro rexional ENS 2

Organizada por Equipos da Nosa Señora de Galicia o 14 de novembro de 2015 hai unha peregrinación mariana á Catedral de Lugo baixo o lema “Contemplar a Cristo con María”, pois trátase de honrar a Nosa Señora dos Ollos Grandes

O horario é o seguinte:

  • 11: 00 acollida no Seminario diocesano

  • 13:00 Misa na Catedral

  • 14: 30 Comida

Concurso de fotografía convocado pola Obra Pontificia Infancia Misioneira

concursofotoIM2016

Con motivo da Xornada de Infancia Misioneira 2016, que leva o lema “Grazas”, a Obra Pontificia de Infancia Misioneira, convoca o concurso de fotografía “Di grazas cunha foto”.

Desde a Delegación de Misións de Lugo proponse dar as grazas cunha foto aos nenos de Benín, país no que algunha das súas parroquias está irmanada coa de San Francisco Xavier de Lugo. O sacerdote de Benin, Bertin Tantcheita, fálanos dos nenos de Infancia Misioneira da súa parroquia: “son un grupo de nenos que queren tomar parte na obra da evanxelización da Igrexa. Teñen tempo de oracións , tempo de encontros con nenos da súa idade para compartir cada un a súa crenza, fan xogos, fan colectas para mandar a Roma ás Obras Misionais Pontificias, e tamén axudan na escola aos nenos que menos teñen, compartindo o que poidan” . Hai motivos para darlles as grazas.

Poden participar nenos de 6 a 12 anos, que compartan a través dunha fotografía dixital, o modo de expresar o agradecemento. Trátase de reflectir os instantes, convertidos en imaxes, nos que nos sentimos agradecidos por todo aquilo que nos rodea, temos ou vivimos, sobre todo polo traballo dos misioneiros e dos nenos da Infancia Misioneira.

[Bases]

A %d blogueros les gusta esto: