Vida e actualidade da Diocese de Lugo
Concerto benéfico de María do Ceo o día 14 decembro ás 21 h na igrexa de San Antonio de Padua, Lugo. Esta actividade organízana conxuntamente Cáritas parroquial e o Secretariado de Pastoral Penal da Diocese. As entradas poden retirarse no mesmo templo.
Alfonso Fraga Ríos é o novo párroco de San Martiño de Condes. E tamén é o administrador parroquial de San Cibrao de Pregazón, San Xoán de Pregazón, Santa María de Pacio, Santa María de Xia, San Xiao de Carballo, Santa María de Silvela, San Cosme de Rocha, San Martiño de Prado e Santa María de Lamas.
Manuel José Castro Gay vén de ser nomeado administrador parroquial de San Xoán de Parada.
O domingo 15 ás 13 h será o acto de toma de posesión de Luciano Armas como moderador do equipo pastoral da parroquia Santiago A Nova (Lugo).
Os Servizos Xerais de Cáritas organizan unha tenda solidaria na Praza de Santo Domingo (Lugo) a partir do día 6 de decembro e até o 16 de xaneiro de 2014. É un espazo no que 6 comercios lucenses colaboran na organización dun outlet.
Por outra parte, lembremos que na segunda semana de decembro iniciouse unha campaña xurdida dunha iniciativa auspiciada polo Papa Francisco e realizada pola Confederación Caritas Internationalis co obxectivo de acabar coa fame para o 2025. O lema é “Unha soa familia humana. Alimentos para todos”
Mans Unidas Lugo organiza desde a primeira semana de decembro e ata o día 22 na rúa Armañá (Lugo) un Recanto de Nadal no que se venden obxectos para recadar fondos destinados a tres proxectos en países empobrecidos.
O horario é o seguinte:
– Luns a venres pola mañá de 10:30 a 13.30 e pola tarde de 16:30 a 20:30.
– Sábados pola mañá
O Seminario de Lugo acolle o 14 de decembro un retiro de Advento dirixido por Jesús Fernández Aira, párroco de S. Francisco Xavier.
A Delegación de Apostolado Seglar invita especialmente a todos os seglares, cregos e, en xeral, a todas as persoas que queiran deixarse interpelar polo anuncio dunha persoa, Xesucristo, que enche os corazóns e a vida enteira de quen se achega a El.
Para facilitar a asistencia de familias, hai un servizo de atención a nenos, que estarán ben atendidos durante o retiro. Os interesados neste servizo contacto con antelación coa organización, no correo laicos@diocesisdelugo.org.
Horario:
10:00 Oración
10:30 Primeira sesión
11:30 Reflexión
12:00 Segunda sesión
13:00 Eucaristía
14:00 Hora de remate