Despois dunha longa enfermidade, faleceu o día 29 de decembro D. Ubaldo Casanova Sánchez. Nacera na Parroquia de San Pedro de Rivas Altas o día 16 de maio de 1930. En 1942 ingresou no Seminario Menor de Lugo onde estudou Latín e Humanidades; en 1947 traslada a matrícula á Universidade Pontificia de Salamanca onde estuda Filosofía e Sagrada Teoloxía, obtendo a Lic. na devandita materia en xuño de 1956. Posteriormente, é ordenado sacerdote o día 8 de xullo de 1956 polo Dr. D. Miguel Nóvoa Fuente, Bispo Titular de Chytri e Auxiliar de Santiago de Compostela. O 18 de outubro do mesmo ano foi nomeado ecónomo da parroquia de Bolmente (Sober), cargo que desempeñou até setembro de 1970 para ser designado profesor e prefecto de disciplina no Seminario Menor. En outubro do ano 1961 o Bispo D. Antonio Ona de Echave destínao tamén como profesor do Seminario Maior impartindo alí Psicoloxía Experimental e Cosmología. En xuño de 1959 obtivo o grao de Doutor en Filosofía tamén na Pontificia de Salamanca.
Mes: Decembro 2013
Actividades de Cáritas Lugo para nenos e adolescentes
O Servizo de atención á infancia e mocidade de Cáritas, realiza unha actividade para adolescentes: Xornada de uso racional de novas tecnoloxías. É o día 28 de decembro no Centro de Servizos de Cáritas Diocesana de Lugo en Avda. das Américas n° 93-97 en horario de mañá.
Tamén hai unha celebración de Nadal, cunha festa o día 28 de decembro pola tarde no Colexio Divino Mestre.
Xornada formativa e festiva no Seminario o día 27
O Seminario acolle unha xornada formativa e festiva o día 27 de decembro.
O moderador é D. Fernando Herrera Casañé, Subdirector da Subcomisión Episcopal de Familia e Vida da Conferencia Episcopal Española. As súas conferencias levan por título: O plan de Deus: o matrimonio cristiá e A transmisión da fe en familia.
Mañás de Nadal, organizadas pola asociación salesiana Ateibo
Co nome Mañás de Nadal, a Asociación Xuvenil Ateibo organiza os días 23, 24, 26, 27, 30 e 31 de decembro, e os días 2 e 3 de xaneiro, actividades destinadas a nenos e nenas de Educación Infantil ata 6º de Educación Primaria incluídos, é dicir, de 3 -12 anos.
O horario das actividades é de 10 a 13:30h. Hai servizo de gardería antes da actividade de 9 a 10h, e servizo de gardería despois da actividade de 13:30 a 14h.
Os obxectivos son educar en valores a través do xogo, promover unhas vacacións activas axeitadas ás idades dos participantes, favorecer a creatividade, a participación e o traballo en equipo.
Actividades de Cáritas na penúltima fin de semana de decembro
LUGO Tenda solidaria na praza Santo Domingo. Continúa aberta 3 semanas.
MEIRA Taller de manualidades de arte navideño organizado pola Confraría Nosa Señora do Pedregal. Poñeranse a venta o día 22 de decembro na Feira de Meira. O que se recade donarase a Caritas parroquial.
MELIDE Mercado solidario en colaboración co Concello os días 21 e 22 de decembro
MONFORTE DE LEMOS
Entrega de xoguetes e alimentos os días 22 e 23 de decembro
Repartición de cesta especial de Nadal na Parroquia de S. Antonio de Padua de Monforte de Lemos.
SARRIA
OPERACIÓN QUILO. Recollida os días 21 e 22 de decembro.
Animación na Residencia de anciáns Virxe do Carme o 22 de decembro