Mes: Novembro 2012

Encontro de profesorado de relixión

A Sección de Formación do Profesorado de Relixión do Instituto Teolóxico Compostelán organizou en Lugo un Curso de formación para Profesorado de Relixión Católica de Galicia. A primeira sesión foi o día 10 e a última onte, 24 de novembro. A actividade é no Salón de Actos da Facultade de Formación do Profesorado de Lugo, co seguinte programa:

  • 10’00 Relatorio: A sociedade actual camiñando cara a multiculturalidade
  • 12’30 Relatorio: Pedagoxias válidas en multiculturalidade
  • Pola tarde, actividades en grupo:  o YouCat nas aulas de Infantil, Primaria, Secundaria e Bacharelato

    Pola mañá dirixe, o profesor Alfonso Novo Cifuentes; e pola tarde, o doutor en Teoloxía, Mario Vázquez Carballo.

    A este cursos asisten uns cen profesores de relixión católica. 

Xornada interdiocesana de xuventude

Encuentro interdiocesano pastoral juvenil

Para mozos e mozas, sacerdotes, relixiosos, -as, catequistas de confirmación, animadores, profesores de relixión.

Temas: ecos do Congreso Nacional con xoves e “En camiño á XMX Río 2013”.

Lugar e data: Seminario de Lugo, 24 de novembro a partir das 10 da mañá. O programa matutino inclúe un relatório e talleres. Pola tarde “En camiño á XMX Río 2013”, visita á Catedral Basílica, Santa Misa e Envío e ás 21 h concerto-oración na parroquia de Santiago (A Nova). 

Encontro de Familia e Matrimonios

Nos locais da parroquia do Bo Pastor de Lugo celébrase o día24 a partir das 10 h. un Encontro de Familia e Matrimonios. Está organizado polo Arciprestado de Lugo e a Delegación Diocesana de Pastoral Familiar. Trátase de reflexionar sobre o papel da familia na vida das persoas. Para iso hai 4 talleres: educación en virtudes, educación afectivo-sexual, vida e solidariedade.

Presentación do libro Conocimiento y razón práctica

O día 22 ás 8 da tarde o Circulo de las Artes acolle a presentación do libro libro titulado Conocimiento y razón práctica. Un recorrido por la filosofía de Paul Ricoeur. O seu autor é Marcelino Agís Villaverde, catedrático de filosofía de la Universidad de Santiago, ademais de tertuliano de radio

Interveñen no acto: José Pena Mouriz, investigador da filosofía de Paul Ricoeur, ex profesor de filosofía no Seminario lucense.

Manuel Regueiro, ex Director xeral de Política Lingüística da Xunta e ex catedrático de filosofía do Instituto Ánxel Fole de Lugo.

E por suposto tamén intervén pechando o acto, Marcelino Agís Villaverde, autor do libro

18 de novembro: Día da Igrexa Diocesana

A Diocese de Lugo atende ás comunidades cristiás en 1.138 puntos. Son as parroquias, nas que se fai a base do labor evanxelizador dunha Diocese.

O anuncio da Palabra e a celebración dos sacramentos lévase a cabo, fundamentalmente, nas parroquias, atendidas por máis de 300 sacerdotes.

A catequese a distintos niveis, tanto para recibir algún sacramento como para unha acción permanente de educación na fe, é unha tarefa importante na pastoral da Igrexa.

Cáritas, en nome da comunidade cristiá, atende aos excluídos da sociedade. A axuda que presta é fundamental ante situacións de pobreza. A Diocese de Lugo ten 15 centros sociais, 20 Cáritas parroquiais e 43 Cáritas interparroquiais. Nos últimos anos vén atendéndose cada vez a máis persoas.

O labor formativo tamén é ben coñecido, polo que imos salientar unicamente unha actividade propia deste Ano da Fe. Trátase de xornadas de formación para leigos sobre o credo. Distribúese a Diocese en nove zonas que acollerán estes cursos.

Pero non só se benefician os diocesanos do traballo da Diocese, senón tamén no exterior. Para o labor misioneiro, a Diocese destinou máis de cen mil euros. E para programas de desenvolvemento en países empobrecidos  a cantidade tamén sobrepasa os cen mil euros; neste caso a través de Mans Unidas.

A %d blogueros les gusta esto: