Mes: Xuño 2012

Cerca de 200 persoas, entre sacerdotes e seglares de distintas parroquias da diocese de Lugo participaron no Cebreiro na clausura do curso pastoral 2011-2012. O bispó de Mondoñedo-Ferrol pronunciou una conferencia centrada no Ano da Fe que o Papa propuxo celebrar a partires de outubro próximo. Estivo acompañado do bispo lucense, Mons. Alfonso Carrasco Rouco, quen presidíu os actos do día.

[Escoitar conferencia de Mons. Sánchez Monge]

O Arcebispo de Santiago en Lugo

O luns, a Novena ao Santísimo estivo presidida polo bispo de Astorga, Mons. Camilo Lorenzo. Aludiu ao privilexio da exposición permanente do Santísimo en Lugo, cidade na que é doado acercarse a saudar a Xesús, falarlle da preocupación pola familia e o mundo, rogándolle que nos acompañe no traballo, na alegría…

Mons. Julián Barrio presidiu a Novena ao Santísimo o martes. Na homilía considerou urxente que a Eucaristía se abra paso na nosa cultura secularizada. Para iso debemos ser luz do mundo, “o que significa deixar espazo a Cristo nas nosas vidas. Manter acendida a chama é unha conquista de todos os días, sabendo que en caso de apagarse, temos que acendela en Cristo”.E n conclusión, “a nosa vitalidade cristiá depende da Eucaristía, de tal forma que sen vida eucarística non pode haber senón aparencias ou convencionalismos de vida cristiá”.

O mércores 13, o bispo de Tui-Vigo, Mons. Luís Quinteiro Fiuza, presidiu a Novena. Durante a homilía destacou a fidelidade de Lugo a unha devoción tan central como é a Eucaristía. E sobre esta afirmou que é necesaria para que haxa vitalidade en distintos ámbitos: o persoal, o familiar e o eclesial.

O xoves 14, o bispo de Mondoñedo-Ferrol, Mons. Manuel Sánchez Monge, considerou moi unidas a devoción ao Sagrado Corazón de Xesús e a devoción eucarística. Tamén afirmou que a Eucaristía favorece que sexamos heraldos do amor de Cristo.

O venres 15, quen preside a Novena é o bispo de Ourense, Mons. Leonardo Lemos. No seu caso, o tema é A Eucaristía: don infinito de amor que transcende toda sabedoría humana.

Á mesma hora, (oito da tarde) o sábado hai vésperas solemnes e Misa, presidida polo Bispo de Lugo (tema: A Eucaristía, presenza real do Señor resucitado), e a Novena conclúe o domingo, cando presidirá D. Luciano Armas Vázquez, deán da Catedral, e que fai a homilia en torno á Eucaristía, acción de grazas a Deus.

Iniciouse o pasado sábado e continúa esta semana, durante a cal vai estar presidida a celebración polos bispos de Galicia e de Astorga.

Día 11 LUNS: Mons. Camilo Lorenzo Iglesias, bispo de Astorga.

Tema: A Eucaristía, en comuñón coa Igrexa apostólica.

 

Dia 12, MARTES: Mons. Julián Barrio Barrio, Arcebispo de Santiago.

Tema: Testemuñas do don do Señor.

 

Día 13 MÉRCORES: Mons. Luís Quinteiro Fiuza, bispo de Tui-Vigo

Tema: A Eucaristía: plenitude da lei no Amor.

 

Día 14 XOVES : Mons. Manuel Sánchez Monge, bispo de Mondoñedo-Ferrol.

Tema: O amor de Cristo-Eucaristía, fonte de vida e amor do que se sacian todos os homes.

 

Día 15 VENRES: Mons. Leonardo Lemos Montanet, bispo de Ourense

Tema: A Eucaristía: don infinito de amor que transcende toda sabedoría humana

 

Día 16 SÁBADO: Vésperas solemnes e Santa Misa as 20.00 Mons. Carrasco Rouco, bispo de Lugo

Tema: A Eucaristía, presenza real do Señor resucitado.

 

Día 17 DOMINGO: D. Luciano Armas Vázquez, deán da Catedral

Tema: A Eucaristía, acción de grazas a Deus.

 

Cada día da novena unha parroquia ou parroquias de Lugo encárganse de preparar algúns aspectos litúrxicos: coros e cantos, monicións, lecturas, preces, monagos…

Na aula Magna do Seminario Diocesano de Lugo o venres 8 de xuño presentouse a obra Colección Diplomática (569-1463) de Ventura Cañizares del Rey.

Ventura Cañizares foi párroco en Lalín e coengo en Lugo e Santiago. Cando faleceu en 1941 deixou unha excelente colección manuscrita de centos de documentos transcritos que agora editan dous expertos en paleografía e latín: Manuel Rodríguez Sánchez e Óscar González Murado.

O interese desta publicación reside, entre outros, nos seguintes aspectos:

• gáñase a conservación da documentación orixinal, que non é imprescindible manexar directamente para coñecer o seu contido;
• facilítase o acceso a uns documentos que ata agora só era posible para investigadores.
• permite coñecer usos e costumes do pasado con interese non só para historiadores senón tamén para calquera lector.

Na obra aparecen moitos testamentos, compras e vendas… cos correspondentes castigos e anatemas para quen non cumpra o estabelecido. Nalgún documento fálase da pena caldaria, consistente en que o reo, para “saber” se era culpable ou inocente, introducía a man en auga fervendo e máis adiante comprobábase o seu estado. Unha variante da ordalía consistía en que o reo era arroxado a un río.

Na obra que se vén de publicar figuran verdadeiras pezas literarias de elevada inspiración poética: seis invocacións á Virxe e unha ao apóstolo Santiago.

Publicacións Diocese de Lugo continuará editando novos volumes da colección diplomática de Ventura Cañizares.

O día 10 de xuño, Misa Solemne ás 11 na Praza de Santa María. Na celebración e na procesión participan sacerdotes e fieis das parroquias e comunidades da cidade de Lugo. Asisten co seu estandarte e cruz parroquial. Participan tamén nenos e nenas de Primeira Comuñón co traxe da mesma ou co traxe tradicional. Os inmigrantes procesionan baixo a bandeira dos seus países de orixe.

Tamén é o segundo día da novena do Corpus ás 20 h na Catedral predicada por D. Mario Vázquez Carballo, cóengo mestrescola. Tema: A Eucaristía, alianza e comuñón de Deus cos homes.

O primeiro da Novena, o sábado 9, preside Mons. Alfonso Carrasco Rouco, Bispo de Lugo. O tema dese día é: A Eucaristía, remedio de inmortalidade e prenda de resurrección.

Continúa a Novena durante a semana do 10 ao 17 coa participación dos bispos de Galicia e de Astorga.