O día 9 de decembro ás 5 da tarde, Cáritas Lugo abre no centro comercial “As Termas” unha tenda solidaria. Permanece aberta até o 5 de xaneiro, xunto á entrada da planta superior do mencionado centro comercial.
Mes: Decembro 2011
Vixilia da Inmaculada. Para toda a familia
O día 7 de decembro ás 8 da tarde ten lugar na Catedral de Lugo a Solemne Vixilia da Inmaculada. Está presidida polo Bispo, D. Alfonso Carrasco. Faise unha especial invitación a tódalas familias.
Celebracións no mes de decembro en San Francisco Xavier
A parroquia de San Francisco Xavier celebra este ano as vodas de ouro. Para conmemorar eses 50 anos desde a súa fundación, realizáronse varios actos en meses anteriores. E o día 3 de decembro, hai varios actos máis:
- misa en honra a San Francisco Xavier, ás seis e media.
- inauguración da exposición fotográfica titulada 50 anos en camiño.
- comida fraterna aberta a todos os fieis.
O 17 de decembro haberá un festival a beneficio de Cáritas en colaboración co Concello no centro social de Fingoi a partir das cinco e media. Haberá actuacións de nenos de colexios do barrio, grupos musicais… Ademais, fíxose unha campaña de difusión destas actividades nos domicilios para fortalecer os vínculos interparroquiais.
Encontro dos participantes na peregrinación a Terra Santa
Os 48 participantes na peregrinación a Terra Santa organizada recentemente, son convocados a un encontro o día 2 de decembro no Seminario. Comeza ás 13 horas cunha Eucaristía. E trala comida, o acto de convivencia propiamente dito.
Clasificada de interese asistencial a Fundación Comedor San Froilán
A Fundación Comedor San Froilán, constituída o 24 de agosto de 2011, ten por obxecto dar cobertura asistencial, atendendo en primeiro lugar ás súas necesidades básicas, asegurar o sustento alimenticio de persoas desfavorecidas e axudarlles na súa promoción.
O padroado inicial da fundación está formado polo vicario xeral da Diocese de Lugo, Luciano Armas Vázquez, como presidente; e o ecónomo diocesano da Diocese de Lugo, Miguel Ángel Álvarez Pérez; o delegado episcopal de acción caritativa e social da Diocese de Lugo, Antonio Negro Expósito; unha representante das Fillas da Caridade de San Vicente de Paul, Asunción Abad González; José Pérez Barreiro e Miguel Ángel Gómez Vázquez, como vogais.
A consellería de Presidencia, Administracións Públicas e Xustiza procedeu a clasificar de interese asistencial a Fundación Comedor San Froilán e adscribila ao protectorado da Consellería de Traballo e Benestar.