Mes: Abril 2011



[DERCARGAR O PROGRAMA COMPLETO DA SEMANA SANTA DE LUGO]

 O día 7 de abril presentouse no Bispado de Lugo o cartel oficial e o programa da Semana Santa lucense deste ano 2011. Na presentación estiveron presentes o Bispo de Lugo, Mons. Alfonso Carrasco Rouco, a Xefa Territorial da Consellería de Presidencia de la Xunta en Lugo, Marta Barreiro, a Concelleira de Cultura do Concellede Lugo, Nuria Mundiña e o Coordinador de la Xunta de Cofradías, Ramón Basanta Piñerio.

 Do programa oficial, ademais do acto central, a Vixilia Pascual, Ramón Basanta, destacou o feito de que na procesión do Xoves Santo, no paso da Última Cea, dende 1963 está vixente o privilexio de trasladar procesionalmente a Sagrada Forma polas rúas de Lugo. Algo que dá singularidade á Semana Santa lucense.

  Pola súa parte, o Bispo, monseñor Alfonso Carrasco, mencionou outra procesión que tamén faría única á Semana Santa de Lugo é a procesión do Encontro, o domingo de Resurrección, na que Santa María vai ó encontro do seu fillo resucitado. Aínda que non é unha situación presente nos Evanxeos, calquera cristián pode pensar que tivo lugar. O señor Bispo tamén se mostrou admirado e agradecido a todos cantos colaboran na organización de todos os actos. E que algúns destes sexan na rúa fai máis educativa a Semana Santa.

[ BANDA DE GUNTÍN DURANTE EL CONCIERTO QUE PRECEDIÓ AL PREGÓN ]

El pregón del franciscano José Antonio Castiñeira abrió aficialmente las Semana Santa de Lugo 2011. Antes del pregón actuaron las Banda de guntín y la Schola Gregoriana Lucense. Ponemos a vuestra disposicónun fragmento de la actuación de ésta última.

[DESCARGAR / ESCUCHAR INTERPRETACIÓN DE LA SCHOLA GREGORIANA LUCENSE]

Ler máis

[Conferencia de Francisco Serrano – Fragmento en video]

 O día 8 de abril,  José Francisco Serrano Oceja pronunciou en Lugo unha conferencia titulada: “Cultura y comunicación: la sociedad del espectáculo”. Serrano é decano de Periodismo  da Universidad CEU San Pablo, Secretariado de Relacións cos Movementos da Asociación Católica de Propagandistas. Foi invitado a vir a Lugo pola Xunta de Confradías da Semana Santa, dentro del ciclo de conferencias “Occidente ante el século XXI”.

A conferencia iniciouse constatando que hoxe circula a seguinte afirmación: o ser humano volveuse problemático. A cuestión do ser humano é tamén unha cuestión de Deus e negar a Deus é negar ó ser humano.

 Tamén se constatou durante a conferencia que a ruptura entre fe e cultura é un drama do noso tempo. E na cultura inclúense os referentes que ten a xente, referentes que veñen en gran parte da comunicación. Pero na actualidade, non é favorable a Deus a comunicación. Esta busca sobre todo o beneficio económico e responde ás necesidades estruturais do sistema, da política.

 Ante todo isto, o conferenciante expuxo algo do que achega o cristianismo: facer non só un exercicio de fe senón tamén de razón. A resposta cristiá é dobre, pois é educativa (actuar no ámbito da comunicación é traballar o aspecto educativo) e espiritual (frecuente trato con Deus, aceptando a súa vontade).

 Finalmente, destacar da conferencia de José Francisco Serrano a idea de que o exercicio da coherencia nas nosas vidas é a maneira de dar resposta ás grandes cuestións (quen son, de onde veño, onde vou).

Co título Hojas volanderas “científico-periodísticas” sobre Vivero, ahora ya fijas en un libro, D. Jaime Delgado ofrécenos unha serie de colaboracións aparecidas no semanario Heraldo de Vivero e outras publicacións. En primeiro lugar, detalla as características do coro de estilo ecléctico situado na ábside da igrexa de San Francisco de Viveiro. E concreto, escenas da vida de San Francisco de Asís e outros (San Francisco Blanco, Sebastián de Aparicio…) e motivos xacobeos.

Nunha segunda parte, D. Jaime Delgado fai unha historia dos baptisterios e estuda a pía bautismal de Santa María de Viveiro, “unha das poucas pías lucenses que ofrecen temas simbólico-doctrinais”.

A terceira parte adícase ós seguintes temas:

– símbolos predecesores da cruz: tau, peixe, crismón;

– as representacións cristiás da crucifixión entre os séculos III e VI;

– influencia das actitudes teocéntrica e antropocéntrica na representación de Cristo.

Finalmente, o novo libro de D. Jaime Delgado presenta un estudo do retablo barroco da igrexa de Santa María de Xerdiz.

O día 10 de abril, ás oito da tarde, terá lugar o concerto “Música solidaria”. Será no Círculo das Artes, onde actuarán a Banda Sinfónica Cidade de Lugo, na súa primeira aparición pública, e a Coral Polifónica Xeral-Calde, dirixida por Fernando G. Jácome.

Os impulsores da iniciativa musical son Armando Morales, director da Escola Municipal de Música de Rábade, o profesor de percusión Efraím Díaz e o profesor de trompeta Adrián Lage. O director da Banda Municipal de Música de Lugo, Rosendo Ivorra, abrirá o concerto e despois cederá a batuta ao director invitado, Norman Milanés.

Os músicos participantes teñen unha formación académica importante. Entre eles hai profesores de conservatorios e escolas privadas e públicas, así como destacados alumnos. En total participarán uns corenta músicos de toda a provincia de Lugo e unha trintena de membros da Coral. Intervirá como solista o trompetista americano de orixe xaponesa John Aigi.

Neste primeiro concerto da Banda Sinfónica Cidade de Lugo realizarase un percorrido pola música de América: jazz estadounidense, ritmos mexicanos, cubanos e brasileiros. Tamén se tocarán clásicos (Entroido de Venecia) e pezas galegas (Soutullo, Xoán Montes).

As entradas (5 €) poden recollerse na Delegación de Mans Unidas na rúa da Cruz (nº 1-B, 1º) luns, mércores e venres de 11 a 13 horas e martes e xoves de 17:30 a 19:30 horas.